From: Ian Augustus <ipusa@wzrd.COM>
Date: Wed, 17 Mar 1999 23:25:57 -0500
Subject: [Scots-L] Lyrics, "Will Ye No' Come Back Again?"
To: scots-l@listbox.com


WILL YE NO' COME BACK AGAIN?

Bonnie Charlie's now awa',
Safely owre the friendly main;
Mony a heart will break in twa,
Should he ne'er come back again.

	Will ye no' come back again?
	Will you no' come back again?
	Better lo'ed ye canna be,
	And will ye no' come back again?

Mony a traitor 'mang the isles
Brak the band o' nature's law;
Mony a traitor, wi' his wiles,
Sought to wear his life awa'.

	Will ye no' come back again?
	Will you no' come back again?
	Better lo'ed ye canna be,
	And will ye no' come back again?

The hills he trode were a' his ain,
And bed beneath the birken tree;
The bush that hid him on the plain,
There's none on earth can claim but he.

	Will ye no' come back again?
	Will you no' come back again?
	Better lo'ed ye canna be,
	And will ye no' come back again?

Whene'er I hear the blackbird sing,
Unto the e'ening sinking down,
Or merl that makes the woods to ring,
To me they hae nae ither soun'

	Than, will ye no' come back again?
	Will you no' come back again?
	Better lo'ed ye canna be,
	And will ye no' come back again?

Mony a gallant sodger fought,
Mony a gallant chief did fa';
Death itself were dearly bought,
A' for Scotland's king and law.

	Will ye no' come back again?
	Will you no' come back again?
	Better lo'ed ye canna be,
	And will ye no' come back again?

Sweet the lav'rock's note and lang,
Lilting wildly up the glen;
And aye the o'erword o' the sang
Is, "will he no come back again?"

	Will ye no' come back again?
	Will you no' come back again?
	Better lo'ed ye canna be,
	And will ye no' come back again?