X: 1
T: Norland Wind
T: I saw the wild geese flee
C: melody: Jim Reid
C: words: Violet Jacob 1915
N: Scots lyrics; English in another file
K:
W: 1: "Oh tell me fit was on yer road, ye roarin Norland wind?
W: As ye come blawin frae the land that's never frae ma mind.
W: Ma feet they traivel England but I'm deein for the North."
W: "Ma man, I saw the siller tides rin up the Firth o Forth."
W:
W: 2: "Aye wind, I ken them weel eneuch an fine they fa and rise,
W: And fain I'd feel the creepin mist on yonder shore that lies.
W: But tell me as ye pass them by, fit saw ye on the way?"
W: "Ma man, I rocked the rovin gulls that sail abin the Tay."
W:
W: 3: "Bit saw ye naethin leein wind afore ye come tae Fife?
W: For there's muckle lyin 'yont the Tay that's mair tae me nor life."
W: "Ma man, I swept the Angus braes that ye hivna trod for years."
W: "Oh wind, forgie a hameless loon that canna see for tears."
W:
W: 4: "And far abin the Angus straths I saw the wild geese flee,
W: A lang, lang skein o beatin wings wi their heids toward the sea,
W: And aye their cryin voices trailed ahint them on the air."
W: "Oh wind, hae mercy, haud your wheesht for I daurna listen mair."